Thursday, September 18, 2014

Willie Evangelista - Sakit sakitan para makalusot sa kaparusahan

Habang sila ay nasa kaniya-kaniyang pwesto, mapapansin ang kanilang masigla at malusog na pangangatawan. Parang walang katapusan ang kanilang buhay habang nagpapakasarap sa kaban ng bayan. Minsan nga ay natanong ko sa sarili ko kung may kaluluwa pa silang mga namumuno sa ating bayan. Kung may pananampalataya pa ba sila sa diyos o kilala pa kaya nila itong lumikha sa atin? Dahil sa sobrang hirap na dinadanas ng mga tao sa ating bansa,lalo na ang mga mahihirap nagagawa pa nilang isipin ang kanilang sarili  kumpara sa kapakanan ng mas nakakarami.
Kung iisipin pare-pareho lng naman ang ugali nilang lahat na namumuno sa ating bansa,iisa lng ang kanilang iniisip. Karamihan sa kanila ay magnanakaw, kung hindi ay mapagsamantala sa kanilang posisyon. May masasabi kaba na pangalan ng Pulitiko na namuno sa ating bansa na hindi nagsamantala,ang kanyang kaibigan o pamilya? Makakapagbigay ka ba ng pangalan ng Pulitiko na umamin sa nagawa niyang kasalanan?,.na hindi nagsakit-sakitan?
Nakakalungkot mang isipin na hindi pantay pantay ang hustisya sa ating bansa.Kung sino pa ang may kasalanan sila pa ang mas pinapaboran.